KHUDA KE FAZL SE HAM PAR HAI SAAYA GAUS-E-AA’ZAM KA
HAME DONO JAHAA ME HAI SAHAARA GAUS-E-AA’ZAM KA
MUREEDI LAA-TAKHAF’ KEH KAR TASALLI DI GULAAMO KO
QAYAAMAT TAK RAHE BE-KHAUF BANDA GAUS-E-AA’ZAM KA
HAMAARI LAAJ KIS KE HAATH HAI! BAGHDAAD WAALE KE
MUSEEBAT TAAL DENA KAAM KIS KA! GAUS-E-AA’ZAM KA
GAYE IK WAQT ME SATTAR MUREEDO KE YAHAA AQA
SAMAJH ME AA NAHI SAKTA MU’AMMA GAUS-E-AA’ZAM KA
MUHAMMAD KA RASOOLO ME HAI JAISE MARTABA AA’LA
HAI AFZAL AULIYA ME YU HI RUTBA GAUS-E-AA’ZAM KA
AZEEZO ! KAR CHUKO TAYYAAR JAB MERE JANAAZE KO
TO LIKH DENA KAFAN PAR NAAM-E-WAALA GAUS-E-AA’ZAM KA
LAHAD ME JAB FARISHTE MUJH SE POOCHHENGE TO KEH DOONGA
TAREEQA QAADRI HU, NAAM LEWA GAUS-E-AA’ZAM KA
NIDA DEGA MUNAADI HASHR ME YU QAADRIYO KO
KIDHAR HAI QAADRI? KAR LE NAZAARA GAUS-E-AA’ZAM KA
FARISHTO! ROKTE KYU HO MUJHE JANNAT ME JAANE SE
YE DEKHO HAATH ME DAAMAN HAI KIS KA! GAUS-E-AA’ZAM KA
JANAAB-E-GAUS DULHA AUR BARAATI AULIYA HONGE
MAZAA DIKHLAAEGA MEHSHAR ME SEHRA GAUS-E-AA’ZAM KA
MUKHAALIF KYA KARE MERA KI HAI BE-HAD KARAM MUJH PAR
KHUDA KA, RAHMATUL-LIL-‘AALMEE KA, GAUS-E-AA’ZAM KA
KABHI QADMO PE LAUTOONGA, KABHI DAAMAN PE MACHLOONGA
BATA DOONGA KI YU CHHUT TA HAI BANDA GAUS-E-AA’ZAM KA
JAMEEL-E-QAADRI! SAU JAA SE HO QURBAAN MURSHID PAR
BANAAYA JIS NE TUJH JAISE KO BANDA GAUS-E-AA’ZAM KA
FAKIR E QADRI SAU JAAN SE HO QURBAN AKHTAR PAR
BANAYA JISNE MUJH JAISE KO BANDA GAUS-E-AA’ZAM KA