Dekhte Jalwa E Deedar Ko Aate Jaate
Gul -e-Nazara Ko Ankho Se Lagate Jaate

Har Sahar Rue Mubarak Ki Ziyarat Karte
Daag E Hirmaa Dil E Mahzu Se Mitate Jaate

Sar E Shoridah Ko Kiswat Pe Tasadduq Karte
Dil-e-Dewana Ko Zanjire Pahnate Jaate

Paa E Aqdas Se Uthate Na Kabhi Ankho Ko
Rokne Waale Agar Lakh Hatate Jaate

Qadm E Paak Ki Gar Khaak Na Haath Aa Jaati
Chashm E Mushtaq Me Bhar Bhar Ke Lagate Jaate

Khwaab Me Daulat E Deedar Hi Milti Wo Agar
Bakht E Khwabidah Ko Thokar Se Jagate Jaate

Dasht E Taiba Me Tere Naaqa Ke Piche Piche
Dhajjiya Jeebo Girebaa Ke Udate Jaate

Dast E Sayyaad Se Chhute Jo Hazaro Ki Tarah
Chaman E Kucha E Dilbar Hi Ko Jaate Jaate

Kaafi E Kushta E Deedar Ko Zinda Karte
Lab E Aijaaz Agar Aap Hilate Jaate