Baghdaad Hai Pyaara, Baghdaad Hai Pyaara
Baghdaad mein har samt hai tayba ka nazaara
Baghdaad hai pyaara, Baghdaad hai pyaara
kehte hai jise sab hai bahut Khoob wahi hai
har aashiq-e-sarkaar ka matloob wahi hai
allah ke mahboob ka mahboob wahi hai
ik baar jo dekh aae, wo jaata hai dobaara
Baghdaad hai pyaara, Baghdaad hai pyaara
Baghdaad hai pyaara, Baghdaad hai pyaara
rahmat ka Khazeena hai wo Baghdaad ki galiyaa
tasweer-e-madina hai wo Baghdaad ki galiyaa
jannat ka nageena hai wo Baghdaad ki galiyaa
behta hai sada rahmat-o-anwaar ka dhaara
Baghdaad hai pyaara, Baghdaad hai pyaara
Baghdaad hai pyaara, Baghdaad hai pyaara
chaadar wahaa rehti hai tani hasani-husaini
har samt wahaa chhaao mili hasani-husaini
Khushboo hai fazaao mein basi hasani-husaini
Baghdaad ka dulha hai ali ka bhi dulaara
Baghdaad hai pyaara, Baghdaad hai pyaara
Baghdaad hai pyaara, Baghdaad hai pyaara
us dar ki mohabbat hai madine ki mohabbat
us dar ki inaayat hai madine ki inaayat
us dar ki ziyaarat hai madine ki ziyaarat
jo dekh le Baghdaad, lagaata hai ye naa’ra
Baghdaad hai pyaara, Baghdaad hai pyaara
Baghdaad hai pyaara, Baghdaad hai pyaara
us shehr-e-muqaddas se haseen koi nahi hai
mere liye har zarra wahaa maah-jabeen hai
rauza hai bade peer ka ya noor-e-mubeen hai
mil jaae Wasi ko usi chaukhat ka utaara
Baghdaad hai pyaara, Baghdaad hai pyaara
Baghdaad hai pyaara, Baghdaad hai pyaara